Aumenta lixeiramente os delitos no Barco de Valdeorras por causa da ciberdelincuencia
Por E.P. | OURENSE | 30/08/2024 | Actualizada ás 18:27
No Barco de Valdeorras (Ourense) produciuse un lixeiro incremento dos delitos graves e menos graves, respecto ao mesmo período do ano anterior, aínda que se manteñen en cifras semellantes a outras localidades da provincia.
Así o expuxeron este venres na xunta local de seguridade que foi copresidida polo subdelegado do Goberno en Ourense, Eladio Santos, e o alcalde do B arco, Alfredo García, onde analizaron a situación de seguridade cidadá no municipio, os casos de violencia de xénero e as previsións de seguridade cara ás próximas festas locais.
Este pequeno repunte débese, principalmente, á ciberdelincuencia. Estas por proporcionar datos bancarios a través de chamadas de teléfono, vendas fraudulentas mediante de Internet, ofertas de falsas compañías telefónicas ou bancarias, son algúns dos casos denunciados con maior frecuencia.
No entanto, destaca o incremento da resolución de delitos graves, leves e infraccións administrativas por parte da Garda Civil en relación ao ano anterior.
En materia de violencia de xénero, todos os participantes na reunión resaltaron a importancia da prevención, a educación e o seguimento dos casos. Destacando as forzas de seguridade presentes, a coordinación que manteñen entre elas nesta materia.
