O Instituto Galego de Física de Altas Enerxías obtén as acreditacións Severo Ochoa e María de Maeztu

A ministra de Ciencia, Innovación e Universidades, Diana Morant, presidiu a semana pasada o acto de recoñecemento das acreditacións a centros Severo Ochoa e unidades María de Maeztu, onde destacou "a profunda capacidade transformadora" destas institucións de excelencia para afrontar desde a ciencia os retos de país. Un dos centros recoñecidos foi o Instituto Galego de Física de Altas Enerxías.

Durante o acto, Morant detallou que estas acreditacións que concede o Goberno de España, a través da Axencia Estatal de Investigación (AEI), son "o maior recoñecemento para os centros e unidades de excelencia e outórganse tras un proceso de avaliación extremadamente rigoroso". "É un agradecemento do noso país a estas institucións polo impacto das súas investigacións no benestar da cidadanía, a súa contribución ao desenvolvemento dunha industria competitiva e innovadora e a súa gran capacidade para atraer o talento investigador nacional e internacional", sostivo.

Entre as liñas de investigación desenvolvidas polos centros e unidades Severo Ochoa e María de Maeztu, a ministra puxo como exemplo a importante investigación multidisciplinar para curar o cancro e outras enfermidades vinculadas ao envellecemento do Instituto de Investigación Biomédica de Barcelona (IRB Barcelona) e o pioneiro sistema de recuperación de Helio do o Instituto de Nanociencia e Materiais de Aragón (INMA).

Neste sentido, Morant resaltou que as institucións acreditadas con este selo de excelencia "poñen cada día o seu talento ao servizo do noso país e da sociedade no seu conxunto". "Sodes a proba de que a ciencia, o benestar e a democracia son tres alicerces indiscutibles e inseparables que debemos coidar e consolidar", subliñou.

O IGFAE | Fonte: IGFAE - Arquivo