Tres estudantes galegos na "Champions League" da FP

Tres estudantes da Formación Profesional galega participan este día en Lyon (Francia) no campionato 'Worldskills 2024', as olimpíadas internacionais da FP. Segundo informou a Xunta, estes mozos, que representan a Galicia no certame, están acompañados pola directora xeral de FP, Eugenia Pérez.

Ezequiel Soto, do Instituto IES San Clemente de Santiago, compite na modalidade de Desenvolvemento web; María Bazar, do Centro Integrado de FP CIFP Paseo das Pontes da Coruña, en Panadería; e Laura Pereira, do Centro Integrado de FP CIFP Manuel Antonio de Vigo, faino en Recepción hoteleira.

Eles tres, acompañados por profesores e representantes da Consellería de Educación, Ciencia, FP e Universidades, están a demostrar neste campionato internacional a calidade da Formación Profesional galega. "Están a demostrar que nosa FP é un modelo con gran potencial", sinalou Pérez, á vez que remarcou o "orgullo que supón" para o ensino galego que teña chegado ata aí.

Estudantes dun ciclo d FP | Fonte: EP