(Vídeo) O "difícil" incendio de Porto do Son queimou xa 15 hectáreas e calcinou varios veículos

Un incendio iniciado na noite do pasado luns en Porto do Son provocou "horas difíciles" durante a madrugada deste martes pola súa proximidade a vivendas na parroquia de Caamaño. O lume, que xa está controlado, queimou 15 hectáreas.

En declaracións a Europa Press, o alcalde de Porto do Son, Luis Oujo, explica que entre as 11,00 horas da noite do luns e a 1,00 da madrugada do martes vivíronse "horas difíciles" en Caamaño porque "facía moito vento e estábase achegando moito o lume ás vivendas", onde está a casa de cultura. Aínda que houbo que desaloxar a ninguén, si que "se tivo que avisar aos veciños para que estivesen atentos".
De feito, chegaron a arder tres coches dun taller que "tiña para despezamento". "Despois empezaron a chegar os bombeiros de Ribeira, os bombeiros de Boiro e as bombas de Medio Rural e fomos capaces de controlalo", explica este rexedor que se desprazou ata o lugar.

En canto ás causas do lume, o alcalde afirma que "todo apunta a que foi provocado" ao iniciarse de noite cando non había medios aéreos, nun día con moita calor e con forte vento. "Non sei con seguridade, pero todo implica que sexan provocados", xa que "aquí sempre pasa o mesmo". "Dicíame algún brigadista que descubriu que había dous ou tres focos", aínda que "non eran grandes focos".

Pola súa banda, fontes da Consellería do Medio Rural indican a Europa Press que o lume se iniciou ás 22,29 horas de luns e está controlado desde as 4,29 horas da madrugada este martes. Mobilizáronse 21 brigadas, 10 axentes, 14 motobombas e dúas pas.

RETENCIÓNS

Como consecuencia do lume estanse rexistrando retencións na AC-550 á altura de Xuño e dende os grupos de WhatsApp da zona alertan de que xa chegou a última hora da noite do luns axentes de Tráfico para proceder ao corte total da circulación. As mesmas fontes apuntaron que xa foran desaloxadas varias vivendas con nenos e maiores no seu interior e que alo menos tres vehículos foron alcanzados polas chamas, quedando completamente calcinados.

 

Incendio forestal en Porto do Son iniciado este luns 16 de setembro | Fonte: Grupos de WhatsApp

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)