A gasolina low cost gaña adeptos en Galicia cunha suba dun 31% nos últimos dous anos
O 78,7 % dos condutores e conductoras xa encheuen gasolineiras low cost. Só un 13,9 % dos condutores de Galicia enche habitualmente na estrada. A maioría decántase por estacións de servizo situadas en zonas urbanas.
Por Galicia Confidencial | A Coruña | 22/09/2024 | Actualizada ás 10:00
A maioría dos galegos e galegas xa enchen en gasolineiras low cost. Concretamente, fano o 78,7 % dos condutores, segundo os datos que se desprenden do segundo estudo 'Hábitos de consumo de combustible en España' elaborado por Plenoil, empresa do sector das estacións de servizo low cost. En contraste coa primeira edición do estudo realizado pola mesma compañía en 2022, o número de persoas que enchen en estacións de baixo custo en Galicia incrementouse en 31,5% nos dous últimos anos.
Por grupo de idade, esta é a primeira opción a nivel estatal principalmente para os mozos entre 25 e 34 anos (49,6 %) e para os adultos entre 45 e 54 anos (44,7 %). Por comunidades autónomas, A Rioxa (53,3 %), Baleares (52,9 %) e Comunidade Valenciana (48,2 %) son as rexións cuxos condutores escollen as gasolineiras low cost como primeira opción.
A enquisa realizada pola compañía mostra que unha gran maioría prioriza as estacións de servizo de nova xeración principalmente polo prezo (94,4 %) fronte ao servizo de tenda ou cafetaría (5,6 %). O factor principal que teñen en conta os condutores á hora de elixir encher nunha gasolineira tradicional ou low cost é a proximidade ao lugar de domicilio ou traballo (59,3 %), seguido do prezo do combustible (56,5 %)
Así mesmo, o estudo pon de manifesto como factores a ter en conta que as estacións dispoña de persoal a pé de pista (55,6 %), que conten con varios chafarices para evitar longas esperas (54,6 %), as garantías de seguridade (46,3 %), que estean operativas as 24/7 (39,8%) e o feito de que sexan automáticas para axilizar o proceso de pago (20,4 %).
TER UNHA LOW COST PRETO
Á pregunta concreta sobre o desexo de contar cunha estación de baixo custo próxima ao domicilio ou lugar de traballo, o 72,2 % dos enquisados galegos valora positivamente tal localización. En concreto, un 46,3 % xa dispón (e gústalle) dunha gasolineira low cost preto. A nivel estatal, os manchegos (57,3 %) son os que máis valoran este aspecto, seguidos de estremeños (53,5 %), valencianos (52,7 %) e andaluces (52,3 %). Entre aqueles que non dispoñen e desexarían dispor dunha gasolineira low cost preto (24,2 % a nivel español 25,9% en Galicia), destacan os canarios (33,3 %), cataláns (27,5 %) e aragoneses (27,4 %). Pola contra, soamente o 16,7 % dos galegos cre que non é unha boa opción.
En canto á localización das gasolineiras, o estudo indica que tan só un 13,9 % dos condutores de Galicia enche habitualmente na estrada. Así, a maioría decántase por estacións de servizo situadas en zonas urbanas (38 %, fronte ao 20 % dos resultados da primeira enquisa de 2022), seguidas daquelas que se atopan nas inmediacións dun pobo ou cidade (27,8 %, fronte ao 26,4 % de 2022) e as situadas en polígonos industriais (20,4 %, fronte ao 28,2 % en 2022).
Por outra banda, os galegos fieis á súa marca de estación de servizo. O estudo pon de manifesto que o 85,2 % dos enquisados adoita encher na mesma marca de gasolineira. En referencia á cuestión sobre as diferenzas entre o combustible das gasolineiras tradicionais e as low cost, en dous anos duplicouse a porcentaxe de condutores galegos que aseguran que o combustible é o mesmo e de igual calidade entre ambos os tipos de estacións (40,7% en 2024, fronte ao 20,9 % na mesma enquisa de 2022). De feito, a maioría dos enquisados aseguran confiar na calidade do combustible das low cost.
