Soben as hipotecas de vivendas un 3% en Galicia, mentres baixan en España
Por Europa Press / Redacción | SANTIAGO DE COMPOSTELA | 17/09/2024 | Actualizada ás 14:45
O número de execucións hipotecarias sobre vivendas situouse en 97 entre abril e xuño deste ano en Galicia, o que supón un 3,2% máis respecto da cifra do segundo trimestre do exercicio anterior (entón houbo 94), segundo datos publicados este martes polo Instituto Nacional de Estatística (INE). Esta subida contrasta coa baixada do 17,5% en España.
En comparación co primeiro trimestre deste ano, as execucións hipotecarias elévanse un 22,8% respecto das 79 do primeiros tres meses de 2024. Destas 97 execucións, 87 foron sobre vivendas usadas e 10, novas. Por tipo de titular, 77 son de persoas físicas e 20 de persoas xurídicas.
Ademais, no segundo trimestre do ano iniciáronse e inscribiron execucións hipotecarias na comunidade sobre un total de 153 inmobles: as citadas 97 vivendas, 14 solares, 36 doutro tipo urbano e seis leira rústicas.
