Villares sente "dor" ao ver outras frotas faenando mentres os barcos galegos non teñen cotas
Por Europa Press / Redacción | Santiago de Compostela | 26/09/2024 | Actualizada ás 13:46
O conselleiro do Mar, Alfonso Villares, di sentir "dor" ao ver barcos galegos amarrados. "Dá un pouco de rabia ver que barcos doutras frotas, portugueses e outras comunidades, están a pescar nas zonas máis próximas a Galicia porque nós non temos capacidade de cota", lamenta.
En declaracións este xoves, o conselleiro lembra que na negociación de TAC e cotas do pasado decembro de 2023, en Bruxelas, o ministro de Pesca, Luís Planas, "dixo que había unha boa" negociación, pero a Xunta xa advertiu de que fora "moi mala" pola pouca capacidade de pesca gañada ante o que dicían os criterios biolóxicos.
Apunta que, en xaneiro deste ano, houbo unha sentenza do Tribunal de Xustiza da UE que "dixo que nas cotas non hai que cinguirse unicamente aos criterios técnicos, senón que hai que ter en conta os aspectos socioeconómicos de cada zona".
Así, Villares sinala que a Xunta pediu ao ministro "revisar esas capacidades de cota" por mor desta sentenza, polo que pide todas as administracións "implicación" co sector do mar. Defende que a frota galega é a "máis respectuosa co medio mariño en todo o planeta".
