Comisan máis de 28 quilos de ameixa en Ferrol

Axentes do Equipo de Resposta Policial (Erpol) da Policía Autonómica comisaron máis de 28 quilos de ameixa e diverso material usado para o furtivismo en Ferrol. Os feitos producíronse no marco dun operativo desenvolvido o pasado 18 de setembro, en colaboración co servizo de Gardacostas de Galicia.

Segundo informou a Xunta, os axentes tramitaron sete actas de sanción pola lei de pesca de Galicia. O operativo forma parte do reforzo da Policía Autonómica, en colaboración coa Consellería do Mar, para loitar contra o furtivismo e na protección dos recursos mariños afectados por esta actividade ilegal.

Ameixas comisadas. XUNTA | Fonte: Europa Press