O 75% dos docentes denuncian falta de profesorado e un 35% exceso de burocracia, segundo CSIF Ensino

CSIF Ensino afirmou que o 75% dos docentes denuncian falta de profesorado e un 35% exceso de burocracia, segundo un rexistro posto en marcha polo sindicato para coñecer as incidencias do inicio de curso.

Nunha nota de prensa, CSIF asegurou que estes datos "desmenten o optimismo da Consellería de Educación" e "dan a razón" ao sindicato, que advertiu de que Galicia abría as súas aulas este curso "cos mesmos problemas cos que as pechou: persoais insuficientes, escaso investimento, falta de recursos nos centros e un profesorado menosprezado e sobrecargado polo exceso de burocracia".

Ademais, a entidade considera que isto "constata o fracaso do pacto de mínimos" asinado con CC.OO., UTT e ANPE. "É necesario un compromiso firme por parte da Administración para reverter todas as anomalías e déficits detectados e garantir así un modelo de ensino público solvente e que asegure a mellor preparación para o estudiantado", reivindicou.

Profesora explicando na pizarra