Un coche de alta gama responsable da morte dun matrimonio en Sanxenxo
Un mustang invadiu o carril contrario e levou por diante o vehículo dos falecidos.
Por Europa Press / Redacción | PONTEVEDRA | 29/09/2024 | Actualizada ás 11:36
Un mantrimonio de Sanxenxo (Pontevedra), duns 70 anos de idade, faleceu nunha colisión frontal entre dous coches na PO-501, neste municipio pontevedrés, un sinistro ocorrido na tarde deste sábado que deixa ademais a tres persoas feridas.
Segundo informan fontes municipais de Sanxenxo, o sinistro produciuse en Forxán, nunha zona limitada a 50 quilómetros por hora e con liña continua.
Con base nas primeiras estimacións, crese que un dos vehículos, un mustang, invadiu o sentido contrario levando por diante ao outro coche, no que viaxaba o matrimonio, arrastrándoo ata un terraplén. Ata o lugar desprazáronse, entre outros medios, 061, Emerxencias de Sanxenxo, bombeiros de Ribadumia, Garda Civil de Tráfico e Policía Local.
