Luz verde da Xunta á modificación da autorización ambiental de Escurís na Pobra do Caramiñal
Por Europa Press / Redacción | SANTIAGO DE COMPOSTELA | 16/10/2024 | Actualizada ás 14:35
A Consellería de Medio Ambiente autorizou a revisión e modificación "non substancialmente" da autorización ambiental integrada outorgada á conserveira Escurís, situada na Baiuca, no municipio da Pobra do Caramiñal.
Segundo esta resolución da Xunta, a modificación débese á construción dunha nova nave para mellorar o sistema antincendios que contará cunhas naves de bombas e un aljibe. Ademais, apróbase o informe de situación do chan.
Esta planta comezou a súa actividade en 1984, dedicada principalmente á elaboración de conservas de peixe, nunha parcela de máis de 49.000 metros cadrados na Pobra.
No informe indícase que o actual sistema de depuración da fábrica manterase "de forma excepcional" ata o 1 de xullo de 2025, data na que deberá estar en funcionamento a ampliación da depuradora.
