“Andan os ratos no faiado”, unha das paremias galegas equivalentes para indicar que empeza a tronar

Os fenómenos meteorolóxicos van tan intrinsecamente ligados á vida das comunidades que moitos refráns e secuencias fraseolóxicas fan referencia a eles... e mesmo tamén en certas ocasións se crean paremias para dar conta dos mesmos, como acontece no caso que desta volta nos ocupa, no que imos reflectir varios xeitos fraseolóxicos de dicir que comeza a tronar ou que está a tronar.

¿Sabedes vós algúns máis?

EXPRESIÓNS FRASEOLÓXICAS COAS QUE SE DÁ A ENTENDER QUE COMEZA A TRONAR OU QUE ESTÁ A TRONAR:

Andan os ratos no faiado # polo faiado

Anda (por aí) Pedro vello arrastrando nas zocas

Andan os carpinteiros a preparar as pipas

[E MAIS TAMÉN]:

Están arrombando as mesas no ceo

Hai voda no ceo, que están arrombando as mesas

Hai voda no ceo, que están amontoando as mesas

Hai voda no ceo, que anda san Pedro cos zocos novos

NOTA:

As expresións e solucións galegas están tiradas das seguintes fontes, ou inspiradas nelas:

- Recolleita propia documental (artigos de prensa, artigos ou comentarios na Rede, obras escritas, folletos publicitarios, etc.).

- Martínez [agora, Martíns] Seixo, Ramón Anxo (dir.): Dicionario fraseolóxico galego. Edicións A Nosa Terra, Vigo, 2000.

- VV.AA.: Unha maré de palabras (Contribución ao léxico do Morrazo). Xunta de Galicia–Museo Massó, 2005.