A Xunta di que Galicia é un "referente" na loita contra a violencia de xénero
Asegura que máis de 7.700 mulleres beneficiáronse en Galicia das axudas mensuais para vítimas de violencia de xénero desde 2006.
Por E.P. | SANTIAGO DE COMPOSTELA | 24/10/2024 | Actualizada ás 12:59
Máis de 7.700 mulleres beneficiáronse en Galicia das axudas mensuais para vítimas de violencia de xénero desde a posta en marcha destes apoios no ano 2006 cun orzamento total ao longo deste tempo que se eleva aos 60 millóns de euros.
Así se desprende dos datos ofrecidos este xoves polo director xeral de Loita contra a violencia de xénero, Roberto Barba, durante a súa comparecencia na Comisión 5ª, de Sanidade, Política Social e Emprego da Cámara galega, onde deu resposta a unha pregunta da parlamentaria do PPdeG Raquel Arias.
En se intervención, o director xeral destacou que Galicia é un "referente" na loita contra a violencia de xénero e conta desde 2007 cunha lei propia nesta materia que sufriu diversas modificacións para garantir máis protección ás vítimas de treta de seres humanos, mulleres e nenas, recoñecer a violencia vicaria e tamén a dixital.
CAMBIOS LEXISLATIVOS
Segundo indicou Roberto Barba, entre outros, un dos obxectivos destes cambios lexislativos foi incluír a explotación sexual para que as mulleres que son explotadas sexualmente se puidesen beneficiar desta prestación periódica. Tras citar os requisitos que deben de cumprir as vítimas, entre os que están neste caso a existencia dun informe do Ministerio fiscal que indique a existencia de indicios de trata de seres humanos ou violencia de xénero, sinalou que a renda vai desde os 200 aos 800 euros mensuais.
"Se contamos que estamos a falar dunha prestación que leva desde o ano 2006, o orzamento desde ese ano ata agora foi de máis de 60 millóns de euros", detallou. Neste sentido, incidiu tamén na evolución da prestación, ao sinalar que pasou de contar cun orzamento de 1,3 millóns no ano 2007 a ter máis de 5,6 en 2023.
"Desde o inicio da prestación periódica recibíronse máis de 10.000 solicitudes, 400 no ano 2016 e chegamos ao ano 2023 con 881 solicitudes, das que se concederon 688", precisou para pór en valor que esta renda é "compatible con outras axudas que poidan recibir as vítimas".
