Denuncian a Audasa, concesionaria da AP-9, por "inacción" ante especies invasoras en autoestradas
Por Europa Press / Redacción | SANTIAGO DE COMPOSTELA | 12/11/2024 | Actualizada ás 13:27
A Asociación Galicia Ambiental reclamou a apertura de dilixencias contra a concesionaria da AP-9 por "infracción ambiental grave, derivada da inacción e incumprimento de obrigacións lexislativas en materia de control de especies invasoras".
"Con especial incidencia na área de Santiago de Compostela, Golfo Ártabro e, singularmente, nas zonas de conexión desta con outras vías de alta capacidade galegas". A organización apunta que a invasión "xeneralizada" da herba da pampa é paralela "á creación de grandes infraestruturas como polígonos industriais, novas autovías e a rede de alta velocidade" motivo polo que, explica, formalizou unha denuncia este luns no xulgado de garda da Audiencia da Coruña e con destino a Fiscalía en relación coa actuación dos responsables da AP-9.
