Queda nunhas rochas tras subir a marea e ten que se rescatado por un helicóptero

Por Europa Press / Redacción | SANTIAGO DE COMPOSTELA | 17/11/2024 | Actualizada ás 21:30

Comparte esta noticia

O helicóptero Pesca II rescatou este domingo a un home na praia de Peizás, na parroquia de San Martiño-Forxán, na localidade lucense de Foz. Tal como informou o 112 Galicia, ao redor das 14.00 horas recibiu unha chamada dun particular que "solicitaba axuda para un home que quedara illado nunha roca".

Durante a comunicación, indicaba que a persoa se atopaba nun illote a cinco ou dez metros da area, pero que "non era capaz de volver a terra" porque o mar estaba revolto.

Deste xeito, pasaron o aviso a Salvamento Marítimo, ao Servizo de Gardacostas de Galicia, ao GES de Cervo, aos axentes da Garda Civil e da Policía Local e aos efectivos de Protección Civil. Con todo, segundo informou Salvamento Marítimo a Europa Press, debido ás condicións do mar e á zona, foi necesario mobilizar o helicóptero Pesca-II para facer o rescate por aire e posterior traslado a terra.

Helicóptero 'Pesca II' de Gardacostas de Galicia.. SALVAMENTO MARÍTIMO - Arquivo
Helicóptero 'Pesca II' de Gardacostas de Galicia.. SALVAMENTO MARÍTIMO - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta