(Gráficas) Así evoluciona a nova burbulla inmobiliaria: máis transacións de vivendas e máis caras
Nas catro provincias galegas aumentou a adquisición de vivendas, especialmente na Coruña. A compravenda disparouse case ata o 50% con respecto a hai un ano.
Por Galicia Confidencial | MADRID | 19/11/2024 | Actualizada ás 21:00
A compravenda de vivendas disparouse un 45,7% en Galicia en setembro en comparación co mesmo mes de 2023, catro puntos por encima da alza do 41,5% estatal, cun total de 2.449 operacións, segundo os datos publicados polo Instituto Nacional de Estatística (INE) este luns.
Deste xeito, a compravenda de vivendas en Galicia móvese en cifras similares ás da burbulla inmobiliaria de 2007, antes da crise do ladrillo. Desde entón, tan só no verán de 2010 houbo rexistros desta magnitude na comunidade, fai xa máis de 14 anos.
Se se compara co mes anterior, en agosto houbo 1.781 operacións, o ascenso en Galicia é do 37,5%. Do total de compravendas en setembro, a práctica totalidade foi sobre vivenda libre (2.377), con só 72 sobre inmobles de protección oficial. Eran 1.791 usadas e 658 novas. En total, houbo 4.300 operacións sobre vivendas. Ademais das citadas 2.449 compravendas, producíronse 964 herdanzas, 46 doazóns, cinco permutas e 836 doutro tipo.
Así, cifra de compravendas de vivendas en setembro de 2024 foi de 61.887 (un 41,49% en taxa interanual). No que vai de ano, até setembro de 2024, o número de compravendas de vivendas foi de 467.865.
Por tipo de vivenda, as transaccións sobre vivendas novas evolucionaron un 54,93% en setembro de 2024 en relación ao mesmo mes do ano anterior, até totalizar 12.531, mentres que a compravenda de vivendas usadas experimentou unha variación dun 38,44% en taxa interanual, até 38,44 transaccións, segundo a estatística do INE.
Este mapa representa en que provincias baixou e subiu a compravenda de vivendas no último mes con datos dispoñibles, por provincias.
En canto aos prezos medios, o metro cadrado das vivendas compradas en setembro de 2024 alcanzou os 1.757 euros. Os seguintes gráficos mostran a evolución do prezo da vivenda en relación ao número de transaccións de compravendas realizadas.
Por tipo de vivenda, o prezo medio das vivendas de segunda man experimentou un cambio do 7,27% interanual en trimestre 2 de 2024, fronte a unha variación do 11,22% das vivendas novas en relación ao mesmo período do ano anterior.
