Morre un home mentres facía labores forestais en Cerdedo-Cotobade
O afectado atopábase subido a unha árbore, pero os seus compañeiros lograron baixalo ao chan. Non entanto, a situación complicouse debido ao difícil acceso á zona.
Por Europa Press / Redacción | PONTEVEDRA | 19/11/2024 | Actualizada ás 15:35
Un home faleceu mentres realizaba labores forestais no municipio pontevedrés de Cerdedo-Cotobade na mañá deste martes. Segundo informa o 112 Galicia, pasadas as 12.30 horas, un particular alertou de que un home quedara inconsciente mentres realizaba labores no monte, no lugar de Aguasantas, en Cerdedo-Cotobade.
O afectado atopábase subido a unha árbore, pero os seus compañeiros lograron baixalo ao chan. Non entanto, a situación complicouse debido ao difícil acceso á zona. O 112 Galicia solicitou a intervención do 061, que enviou o helicóptero medicalizado con base en Santiago, así como da Garda Civil e dos voluntarios de Protección Civil de Cerdedo-Cotobade.
Xa no lugar, os membros de Protección Civil advertiron que o acceso ao implicado era complexo e que sería necesario empregar medios adicionais para o traslado ata os vehículos medicalizados. A pesar dos esforzos realizados, o equipo sanitario só puido confirmar o falecemento do home. As forzas da orde traballan para esclarecer os feitos.
