Autorización previa á liña de evacuación de Norvento para o parque eólico Olerón

O Diario Oficial de Galicia (DOG) publicou este mércores a resolución do acordo do Consello da Xunta, do pasado 7 de outubro, no que se outorga a autorización administrativa previa para a infraestrutura de evacuación do parque eólico Olerón, promovida por Norvento. En concreto, outórganse a autorización administrativa previa e a autorización administrativa de construción e declárase a utilidade pública, así como a compatibilidade con diversos aproveitamentos forestais, das instalacións da LAT 66 kV evacuación para este parque eólico.

As instalacións da liña están situadas nos concellos de Rois, Lousame e Noia. De acordo co decreto de fianzas en materia ambiental, previamente ao comezo das obras, Norvento deberá depositar un aval para garantir o cumprimento das medidas correctoras e responder da reparación dos posibles danos que se lle poidan causar ao medio ambiente e do custo da restauración.

Unha vaca pasta fronte a un grupo de aeroxeradores no Parque eólico do Fiouco, da Serra do Xistral | Fonte: Carlos Castro - Arquivo