A Xunta tras anunciar o Goberno un Sistema de Alerta Temperá no Jucar: "Galicia vai moi por diante en seguridade"

A conselleira de Medio Ambiente e Cambio Climático, Ángeles Vázquez, reivindicou o sistema de prealertas de inundacións do que dispón Galicia desde hai xa dous anos, denominado Merlín, que foi desenvolvido xunto coa Universidade da Coruña, subliñando que permite ter información "72 horas antes" para así trasladala ao 112 e que se fagan as comunicacións necesarias.

Ante os medios de comunicación, Vázquez mostrouse sorprendida polas palabras da ministra de Transición Ecolóxica e Reto Demográfico, Teresa Ribera, que anunciou a contratación dun Sistema de Alerta Temperá no Jucar, xa que antes da DANA non dispuña del. "Iso compároo con Galicia e imos moi por diante á hora de pensar na seguridade das persoas", reivindicou Ángeles Vázquez este xoves en Vigo.

Unha máquina traballa na reparación das vías do tren de Alfafar, onde permanecen vehículos apilados tras o paso da DANA, a 7 de novembro de 2024, en Alfafar, Valencia | Fonte: Alejandro Martínez Vélez - Arquivo