Traballadores de Maitours, filial de Alsa, desconvocan a folga indefinida tras chegar a un acordo coa empresa
Os traballadores de Maitours son os encargados de realizar o transporte interurbano en Ferrol, Narón e Neda.
Por Europa Press / Redacción | FERROL | 01/12/2024 | Actualizada ás 20:00
Os traballadores de Maitours, filial do grupo Alsa, desconvocaron a folga indefinida, que secundaban desde o pasado 15 de xullo, tras asinar un acordo este domingo coa dirección da empresa de transporte. Así o detallou o delegado dos traballadores, Luís Taboada que cualificou o acordo de "beneficioso" xa que conseguiron a "maior parte" dos obxectivos que perseguía.
Por iso, a partir deste luns o servizo funcionará "con normalidade". "Conseguimos un período transitorio dun ano, prazo no que está previsto que nos pague unha boa parte do que pedimos", sinalou. Os traballadores de Maitours son os encargados de realizar o transporte interurbano en Ferrol, Narón e Neda, con outra a empresa Intercar, formado ambas unha unión temporal de empresas (UTE), que é xestionada polo grupo Alsa.
