Asasinan a tiros a un home en Carballo

Un home morreu a primeiras horas desta noite en Carballo vítima dos disparos recibidos por outros individuos , segundo confirmaron a GC fontes policiais.

O incidente tivo lugar no bar Castro, da rúa río Anllóns desta localidade, cando varios encarrapuchados, entre dous e tres, entraron no bar e dipararon a quemarroupa contra a vítima, de entre 30 e 35 anos. Posteriormente fuxiron do lugar en patinete 

Polo momento a Garda Civil tenta esclarecer os motivos e busca os autores do crime.

Ao lugar acudiu a Garda Civil, a Policía Local e os servizos sanitarios, que certificaron a morte do home. As forzas da orde acordoaron a zona, na que o suceso espertou unha gran expectación.

Fontes próximas da investigación sinalaron que as hipóteses apuntan a que pode tratarse dun asunto relacionado coas drogas. O local era frecuentado por migrantes latinoamericanos.