Néstor Rego denuncia no Baixo Miño o desmantelamento da rede ferroviaria nesa comarca

O deputado do BNG, Néstor Rego visitou a comarca do Baixo Miño ante o "desmantelamento que sofre" en materia ferroviaria e o "peche das estacións" de Tui e Caldelas.

A formación nacionalista avoga por "recuperar" o servizo ferroviario desde Tui para conectar con Vigo e, ademais, aposta pola conexión con Portugal, superando a "precariedade" do tren Celta mediante un "servizo máis moderno".

Neste sentido, reclamou ao Goberno "modernizar" a liña convencional Tui-Vigo e "negociar" con Portugal para "renovar" o material rodante e "aumentar as frecuencias".