Consello-A Xunta prepara novas axudas para os gandeiros que sufran danos por lobo, xabaril e oso
No Consello, deuse luz verde ao destino do 90 por cento das axudas da Política Agraria Común (PAC) que quedaban sen abonar, en concreto 99,3 milones, e que se empezarán a pagar "esta mesma semana", precisou o titular do Executivo galego
Por E.P. | SANTIAGO DE COMPOSTELA | 09/12/2024 | Actualizada ás 16:22
O Consello da Xunta abordou, na súa reunión deste luns, a convocatoria de novas axudas, por un importe de case seis millóns de euros, para previr e paliar os danos causados pola fauna silvestre, en concreto lobos, jabalíes e osos.
Así o informou, ao termo do mesmo, o titular do Executivo galego, Alfonso Rueda, que destacou que isto supón "incrementalas nun 22 por cento" a través de diferentes achegas.
En concreto, o Goberno galego convocará este mes oito liñas de axudas, dotadas cun orzamento total de 5,9 millóns para 2025, co fin de previr e paliar os citados danos e apoiar a ordenación da actividade cinexética e piscícola.
Para iso, explicou Rueda, establécense tres millóns para compensar ao sector primario por estes ataques e outros 2,5 milones para medidas de prevención, aos que se suman 320.000 euros para actuacións vinculadas coa protección de terreos cinexéticos ou áreas de pesca.
No caso da primeira contía, dese tres millóns uns 900.000 son para indemnizar aos gandeiros polos ataques de lobos. "O dobre que en 2023 porque aumentaron os ataques", precisou Rueda, quen incidiu no dez por cento máis que recibirá de axuda cada gandeiro. Outros dous millóns serán para medidas de prevención como valados eléctricos ou contratación de pastores. Para os danos ocasionados por jabalíes, hai 2,4 millóns e 130.000 no caso dos que provocan osos, sobre todo as colmeas.
Coincidindo coa presentación destas axudas, o presidente da Xunta volveu a mostrar o desacordo da autonomía galega en relación á postura estatal coa protección do lobo "e a prohibición de facer ningún tipo de batida", incidindo, para iso, no "aumento" de ataques por parte dos mesmos.
AXUDAS DA PAC
No Consello, deuse luz verde ao destino do 90 por cento das axudas da Política Agraria Común (PAC) que quedaban sen abonar, en concreto 99,3 milones, e que se empezarán a pagar "esta mesma semana", precisou o titular do Executivo galego.
Delas, beneficiaranse 23.000 agricultores e gandeiros, "que reciben 215 millóns de euros da PAC e deles 160 son de axudas directas". "A Xunta xa adiantou un mes o pago", remarcou Roda ao lembrar que en outubro se abonaron 43 millóns.
Na reunión deste luns, tamén se aprobaron doce millóns de euros para manter e reforzar programas de sanidade e produción en animal en explotacións gandeiras, con plans para vixilancia e erradicación de enfermidades ou limpeza das citadas explotacións, ademais de axudas ás agrupacións de defensa sanitarias galegas.
En relación aos animais domésticos, acordouse destinar 1,7 millóns de euros os recursos achegados a concellos e protectoras, o que supón triplicar a contía.
