(Vídeo) Tes un poboado de Nadal na casa? Sabes de onde provén esa tradición que agora incorpora Vilagarcía?

Os concellos galegos afánanse cada ano por crear un Nadal único que os permita diferenciarse do do resto de municipios. Con este afán, Vilagarcía de Arousa foi quen de instalar este ano un novo atractivo turístico dentro da súa decoración que non hai en ningunha outra cidade galega: burbullas de aire con poboados de Nadal de xoguete no seu interior. Trátase de paisaxes de Nadal en miniatura que se atopan en calquera tenda e que, dende fai uns anos, se puxeron de moda como adornos en moitos fogares galegos. Dende pistas de xeo cos seus patinadores ata trens de xoguete en movemento, pasando por casas iluminadas e diversas atraccións, a variedade é moi grande e moitas familias agardan con ganas a chegada do Nadal para sumar unha nova incorporación ao seu decorado, coma se dun Belén se tratase. Pero, dende cando se fixo tan popular esta 'tradición moderna'? Cando xurdiu e onde?

A tradición dos pobos de Nadal ten unhas raíces moi antigas, que se remontan, alo menos, ao século XVIII. Naquela época, nalgunhas rexións de Alemaña, era habitual crear pequenas paisaxes de Nadal no interior das casas, utilizando elementos naturais como ramas, musgo e piñas. Estas paisaxes decorábanse con figuriñas de pastores, animais e personaxes do Nadal, e representaban o nacemento de Xesús. Co paso do tempo, a tradición evolucionou e estendeuse por Europa e América. As paisaxes de Nadal en miniatura fixéronse cada vez máis detalladas e sofisticadas, xa que se lles foron engadindo edificios en tamaño reducido, luces, árbores e personaxes animadas. 

Xa nas décadas de 1960 e 1970, a produción destes pobos industrializouse e moitas marcas empezaron a ofrecer coleccións completas de elementos para crear as súas propias paisaxes de Nadal. Hoxe en día, os pobos de Nadal convertéronse nunha importante tradición destas datas en moitos fogares e colecciónanse e exhíbense con grande orgullo cada ano, a miúdo convertidos nunha peza central da decoración de Nadal da casa. As coleccións de poboados de Nadal inclúen unha ampla gama de estilos, temas e tamaños, e ofrecen unha gran variedade de opcións para crear unha paisaxe única e adaptada ás características e gustos de cada familia. Tanto se se trata dunha pequena casa de campo como dunha grande cidade en miniatura, os pobos de Nadal sempre aportan maxia e unha atmosfera de Nadal ao fogar.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)