Pequenos terremotos en Baleira, Vilariño de Conso e Cervantes
Foron de baixa intensidade, 3º, 1,8º e 1,7º, respectivamente.
Por Europa Press / Redacción | SANTIAGO DE COMPOSTELA | 19/12/2024 | Actualizada ás 09:58
O Instituto Xeográfico Nacional (IGN) rexistrou nas últimas horas un tremor de terra leve con epicentro en Vilariño de Conso, na provincia de Ourense, de intensidade 1,8 mbLg. Así, o movemento sísmico foi detectado cando pasaban poucos minutos das 22,00 horas deste mércores, cunha magnitude leve e con epicentro a 22 quilómetros de profundidade.
Así mesmo, o IGN tamén rexistrou este xoves un terremoto de magnitude 3 no municipio lucense de Baleira. O sismo produciuse ás 12.37 horas a 20 quilómetros de profundidade e sentiuse, con diferente intensidade, en Becerreá, O Corgo, Folgoso do Courel, Castroverde e Lugo.
Ademais, este mércores tamén se rexistrou outro tremor en Galicia, nese caso no municipio de Cervantes, en Lugo, á primeira hora da mañá. Este sismo foi tamén leve, cunha magnitude de 1,7 mbLg, e con epicentro a 9 quilómetros de profundidade.
