Detido un mozo especializado en roubar pastores eléctricos
Por Europa Press / Redacción | LUGO | 19/12/2024 | Actualizada ás 11:47
A Garda Civil de Lugo detivo, en Mondoñedo, a un mozo de 19 anos como presunto autor dos delitos de roubo con forza nas cousas e furto, tras facerse con pastores eléctricos en Lourenzá e material do Concello de Vilalba.
Segundo informou o Instituto Armado nun comunicado, a investigación comezou tras coñecerse que nos últimos meses subtraeran varios pastores eléctricos en Lourenzá. Así mesmo, o pasado luns houbo un novo furto dun destes obxectos valorado en máis de 300 euros e tras a denuncia do seu propietario, os axentes tiveron coñecemento de que o obxecto levaba instalado un localizador GPS.
Desta forma, detiveron ao presunto agresor cando circulaba nunha furgoneta na que portaba, ademais do pastor subtraído, unha "importante cantidade" de material eléctrico do cal non puido demostrar o seu licita procedencia.
Os axentes comprobaron que parte do material pertencía ao Concello de Vilalba, e que foi subtraído o pasado mes de agosto. A persoa detida e as dilixencias policiais foron remitidas á Autoridade Xudicial.
