Evacuado en helicóptero un home tras caer co coche por un barranco de 80 metros en Monterrei

Un home, de 58 anos, foi evacuado en helicóptero tras saírse da vía co seu vehículo e precipitarse por un barranco duns 80 metros no lugar de Paradiña, en Monterrei. Segundo informou a Garda Civil, o home, veciño da localidade pontevedresa de Sanxenxo, perdeu o control do seu vehículo e caeu por un barranco ata a canle dun regato. Ata o punto mobilizouse o helicóptero Pesca 1, que rescatou ao home e trasladouno ao Complexo Hospitalario Universitario de Ourense (CHUO), os Bombeiros e GES de Laza, unha ambulancia do 061 e axentes da Garda Civil.

Operativo de rescate | Fonte: GARDA CIVIL DE OURENSE