“Ver as estrelas # o ceo habaneiro # a Deus por un burato”, equivalentes, entre outras, á castelá “ver las estrellas”
O lingüista Xosé Antonio Pena Romay publica unha nova entrega da sección de fraseoloxía "Verbas sisudas non queren testemuñas".
Por Xosé Antonio Pena | Compostela | 26/01/2025 | Actualizada ás 12:00
Naqueles casos en que unha persoa sente unha dor física moi intensa, en castelán acostúmase a dicir que esa persoa ve las estrellas.
En galego, amais do transunto da expresión castelá, contamos tamén con outros fraseoloxismos, algúns dos cales se expoñen a seguir:
Ver las estrellas
{= Sentir alguén unha dor física moi intensa.}
Ver as estrelas
Ver o ceo habaneiro
Ver o lume
Ver a Deus
[E MAIS]:
Ver a Deus por un burato
Ver a Deus por un cribo
Ver a Deus polas pernas
Ver a Deus polo cu dunha agulla
Ex.: El esguince de tobillo no me dolió mucho, pero cuando pillé con la puerta el dedo meñique sí que vi las estrellas.
A escordadura do nocello non me doeu moito, pero cando trinquei coa porta o dedo maimiño si que vin as estrelas ‡ si que vin o ceo habaneiro ‡ si que vin o lume ‡ si que vin a Deus (por un burato ‡ por un cribo ‡ polas pernas ‡ polo cu dunha agulla).
NOTA:
As expresións e solucións galegas están tiradas das seguintes fontes, ou inspiradas nelas:
- Recolleita propia da oralidade galega.
- Recolleita propia documental (artigos de prensa, artigos ou comentarios na Rede, obras escritas, folletos publicitarios, etc.).
- Cerviño Ferrín, María Victoria: “Fraseoloxía e paremioloxía de Sebil, 1”. En Cadernos de Fraseoloxía Galega, 14, 2012, páxs. 287-308. Centro Ramón Piñeiro para a Investigación en Humanidades.
- Martínez [agora, Martíns] Seixo, Ramón Anxo (dir.): Dicionario fraseolóxico galego. Edicións A Nosa Terra, Vigo, 2000.
- Martíns [antes, Martínez] Seixo, Ramón Anxo: “Hai cousas que parecen lousas. Unha nova achega á fraseoloxía do Cachafeiro”. En Cadernos de Fraseoloxía Galega, 18, 2016, páxs. 211-247. Centro Ramón Piñeiro para a Investigación en Humanidades.
- Requeixo Cuba, Armando: “Sobre fraseoloxía galega: algunhas mostras da área mindoniense”. Cadernos de Lingua, 9, 1994, páxs. 89-110.
- Ventín Durán, José Augusto: “Fraseoloxía de Moscoso e outros materiais de tradición oral”. En Cadernos de Fraseoloxía Galega, anexo 1, 2007.
