(Vídeo) O narcosubmarino atopado na ría de Camariñas-Muxía parte en dous

O narcosubmarino atopado en augas da Costa da Morta este mércores acabo partindo en dous a nacos. A Garda Civil destaca que no transcurso das operacións de traslado, o narcosubmarino rachou en dúas seccións.

Deste xeito, a proa, que permanece á boia, xa que posiblemente sexa onde se albergan os depósitos de combustible. A popa, que inclúe a sección do motor, afundiuse, debido ao seu maior peso. A parte afundida non se atopa xunto á sección flotante e estímase que podería estar a unha distancia de entre 100 e 200 metros.

Equipos especializados, incluíndo os GEAS (Grupo Especial de Actividades Subacuáticas) e o Servizo Aéreo da Garda Civil, tamén se incorporaron aos traballos na zona para localizar e reflotar as partes afundidas do submarino. "Continúase avaliando a mellor maneira de recuperar as seccións afundidas e trasladalas ao Porto de Camariñas para a súa análise" indica nun comunicado.

Foi este 22 de xaneiro, cando ás 09:10 horas recibiuse aviso nesta Central COS da localización dunha embarcación semisumerxida á entrada da ría de Camariñas-Muxía. A detección foi realizada polo barco pesqueiro María Cristina, con base no Porto de Laxe, que procedeu a remolcar a embarcación cara ao Porto de Camariñas.

"Inmediatamente, desprazáronse ao lugar efectivos da 5ª Compañía, SMP A Coruña, USECIC, e UOPJ para asegurar a zona e coordinar os labores de investigación e rescate", destaca a Garda Civil que agradece a axuda do pesqueiro María Cristina.

Previamente, a subdelegada do Goberno na Coruña, María Rivas, explicou que se están estudando que actuacións adoptar. "Están desprazados alí unidades da Garda Civil e do Grupo de Especialistas en Actividades Subacuáticas (GEAS) para tomar decisións sobre o que van facer en dous sentidos: por unha banda, asegurar o propio sumerxible e, por outro, como inspeccionalo e como van abordar esa operación", especificou.

Durante a mañá estivo no lugar unha embarcación de Salvamento Marítimo, ademais doutra da Garda Civil con axentes despregados por terra e mergulladores da Benemérita supervisando o semisumerxible, ademais dun helicóptero. Respecto das actuacións a seguir, fontes consultadas por Europa Press indicaron que non se descarta buscar unha maneira de baleirar parte da auga.

FEITOS

O sumerxible foi atopado á entrada da ría de Camariñas-Muxía, por unha embarcación pesqueira que faenaba na mañá deste martes no litoral. Polo momento, descoñécese se contén carga, segundo trasladaron fontes próximas á investigación. O batiscafo tiña o zapón aberto cando foi atopado. Tras dar aviso ás autoridades, o propio barco que localizou o submarino encargábase do seu remolque ata terra. Sería levado ata o porto de Camariñas, onde se levaría a cabo a inspección do sumerxible. A Garda Civil abriu unha investigación para esclarecer os feitos. Ademais, ata o porto de Camariñas desprazouse o Servizo Marítimo da Coruña, a Unidade de Seguridade Cidadá (Usecic) e a Policía Xudicial. Este sería o terceiro semisumerxible atopado en augas de Galicia. O primeiro deles foi localizado en Aldán en 2019 e o segundo na ría de Arousa en 2023.

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)

 

 

 

 

Ver esta publicación en Instagram

 

 

 

 

 

 

 

 

 

 

 

Una publicación compartida de Galicia Confidencial (@galicia_confidencial)