Pedro Blanco: "Besteiro é o mellor candidato para ser o próximo presidente da Xunta"
Por Europa Press / Redacción | SANTIAGO DE COMPOSTELA | 19/02/2025 | Actualizada ás 12:54
O delegado do Goberno en Galicia e membro da executiva local do PSOE de Santiago, Pedro Blanco, enxalza ao secretario xeral do PSdeG, José Ramón Gómez Besteiro, como "o mellor candidato para ser o próximo presidente da Xunta".
A preguntas dos medios en Ourense sobre as expulsións de edís socialistas en Santiago, Branco eludiu responder a "cuestións de partido" ao acudir a un acto como delegado do Goberno. "Estou absolutamente convencido de que neste congreso sacaremos ao mellor candidato, que é o único por certo, para ser o próximo presidente da Xunta", limitouse a afirmar en relación ao 15º Congreso Nacional do PSdeG que se celebrará o 8 e 9 de marzo.
