A facturación da industria galega subiu un 0,4% en 2024
Por E.P. | Santiago de Compostela | 21/02/2025 | Actualizada ás 10:11
A cifra de negocios da industria galega subiu unha media do 0,4% en 2024, segundo datos publicados este venres polo Instituto Nacional de Estatística (INE), recollidos por Europa Press. Esta cifra é similar á rexistrada a nivel nacional, xa que no total de España a facturación da industria creceu un 0,4%, retornando así a taxas positivas anuais despois do retroceso do 1,5% que sufriron en 2023.
Só en decembro, a industria galega vendeu un 4,7% máis, respecto ao último mes de 2023, mentres que a media nacional foi do 6,8% máis.
DATOS ESTATAIS
A nivel estatal, as vendas da industria rexistraron un aumento marca do 20,9% en 2022 e un avance do 16,2% en 2021. En 2020, primeiro ano de pandemia, afundíronse un 11,7%. Agora, en 2024, crecen un 0,4%. Corrixidos os efectos estacionais e de calendario, a facturación da industria descendeu unha media do 0,2% en 2024.
