A plataforma de teleasistencia domiciliaria 'Telea' será empregada en catro rexións de Suecia e Italia

O Servizo Galego de Saúde (Sergas) exportou a plataforma de teleasistencia domiciliaria 'Telea' a catro rexións de Suecia e Italia. En concreto, este programa será pilotado na rexión sueca de Norrbotten, mentres que en Italia será no Piemonte, Teramo, Emilia-Romagna. Deste xeito, a técnica da Axencia Galega de Coñecemento en Saúde (ACIS), Carmen Orosa, e o coordinador do Nodo de innovación do Hospital Álvaro Cunqueiro de Vigo, Daniel Simón, participaron na capital eslovena na reunión anual que organizan os socios do proxecto europeo 'Joint Action Transfer of Best Practices in Primary Care' (Circe), onde destacaron o valor desta plataforma.

Segundo explicou a Xunta nunha nota de prensa, o obxectivo de Circe é a transferencia de "seis boas prácticas" dos servizos de atención primaria de España, Bélxica, Portugal e Eslovenia para que poidan implantarse noutros 12 países membros. Neste contexto, os representantes do Sergas e da ACIS compartiron as súas impresións sobre os métodos de avaliación para medir tanto o impacto dos proxectos como a súa sustentabilidade, entre outras cuestións. Con todo, a segunda das xornadas continuou coa presentación das tarefas que se van a desenvolver no proceso de "transferencia, implementación, reforzo de capacidades e sustentabilidade", elementos "crave" para o desenvolvemento conxunto e a transferencia de prácticas sanitarias durante os próximos meses.

A teleasistencia | Fonte: Cedida - Arquivo