VÍDEO: 'Premio da sátira' á comparsa 'Altri Non' nun desfile de entroido en Barcelona
Aconteceu o pasado domingo de entroido na 'Rúa de Carnestoltes' do barrio barcelonés de Gràcia. Os protagonistas foron un colectivo galego-catalán impulsado dende as asociacións ACGB e Furafollas.
Por Galicia Confidencial | Barcelona | 08/03/2025 | Actualizada ás 10:50
Un ano máis as asociacións galego-cataláns ACGB e Furafollas gañaron o Premio da Sátira na famosa 'Rúa de Carnestoltes' do barrio barcelonés de Gràcia competindo con 23 agrupacions máis.
Co orgullo da defensa do territorio, e durante o desfile, berraron alto é forte consignas coma: "ALTRI NON!", "A auga é nosa, e non da celulosa" ou "A súa fortuna, a nosa perdición", lemas que tamén portaban en varias pancartas.
"A loita a prol dos espazos naturais, dun concepto harmónico e sostible da economía do territorio, da defensa da ría de Arousa, do Ulla e das súas xentes, resoou en Barcelona e demostra que a loita segue viva e reactivase en novas frontes", comentan dende os colectivos participantes na comparsa premiada como 'mellor sátira'.
Rematada esta acción, dende a entidade ACGB (Asociación Cultural Galega en Barcelona) comentan tamén que seguirán a "denunciar na emigración as políticas depredadoras no territorio consentidas por unha Xunta de Galicia cómplice da devastación que apoia en interese das multinacionais da celulosa".
