Educación premia o Colexio de Infantil e Primaria de Outes polo seu compromiso co desenvolvemento sustentable
Os proxectos premiados están relacionados coa educación ecolóxica, a mobilidade sustentable, o coidado do medioambiente, a renaturalización dos espazos educativos, o uso de enerxías verdes e a reciclaxe, entre outros
Por E.P. | A CORUÑA | 19/03/2025 | Actualizada ás 20:00
O Colexio de Infantil e Primaria de Outes foi premiado, xunto a outros centros eudcativos a nivel estatal, polo Ministerio de Educación polo seu compromiso co desenvolvemento sustentable.
Este mércores celebrouse o acto de entrega do Recoñecemento a Centros Educativos Sustentables. Foron galardoados unha decena de centros de Andalucía, Cantabria, Castela e León, Castela-A Mancha, Comunidade de Madrid, Comunitat Valenciana, Galicia e Melilla.
O Ministerio de Educación, Formación Profesional e Deportes premiou este mércores a estes centros educativos polo seu compromiso co desenvolvemento sustentable no acto de entrega do Recoñecemento a Centros Educativos Sustentables.
Ao evento, no que participou o subdirector xeral de Cooperación Territorial e Innovación Educativa, Lucio Quella, acudiron representantes da decena de centros recoñecidos.
Os proxectos premiados están relacionados coa educación ecolóxica, a mobilidade sustentable, o coidado do medioambiente, a renaturalización dos espazos educativos, o uso de enerxías verdes e a reciclaxe, entre outros.
