A Xunta cambia a dirección do Distrito Sanitario de Verín

O Diario Oficial de Galicia (DOG) publicou este luns a orde que ratifica a designación de Pablo Martín Lancharro como novo director do distrito sanitario de Verín (Ourense). Substitúe así a Guillermina Agulla, quen asumira o cargo a inicios de 2020, tras o polémico peche do paritorio, e tivera que facer fronte á pandemia da covid.

Así o establece unha orde asinada polo conselleiro de Sanidade, Antonio Gómez Caamaño, e que pon fin á convocatoria pública para cubrir o posto. Martín Lancharro, quen exercía como subdirector xeral de Atención Sociosanitaria e Innovación asistencial na Consellería de Política Social e Igualdade, xa fora presentado como director do distrito o pasado mes de febreiro nun acto co xerente da área Sanitaria de Ourense-Verín-O Barco de Valdeorras, Santiago Camba.

Contra a orde que sae este luns no DOG pode interporse recurso contencioso-administrativo ante a xustiza, no prazo de dous meses, contados a partir deste martes; ou un recurso de reposición ante a administración, no prazo dun mes.

Cabeceira da manifestación do 1M en Verín | Galegas 8M