Catro feridos nun choque entre dous turismos en Maside

Catro persoas resultaron feridas este mércores de madrugada nun choque ocorrido entre dous turismos en Maside. O accidente chegou a provocar un incendio nun asento e no circuíto eléctrico dun dos vehículos, que foi extinguido rapidamente polos veciños.

Segundo informa o 112 Galicia, todo ocorreu pouco antes das 6.00 da mañá no quilómetro 25 da N-541, en Amarante. Era un particular quen chamaba para alertar desta colisión frontolateral pola que podería haber persoas atrapadas, aínda que isto finalmente non era así.

Cando os servizos de emerxencias chegaban ao momento, confirmaban que os dous coches implicados obstaculizaban a circulación. Os catro ocupantes dos vehículos tiveron que ser atendidos polos servizos sanitarios. Neste operativo participaron Urxencias Sanitarias de Galicia-061, os bombeiros do Carballiño, a Garda Civil de Tráfico, a Policía Local e Protección Civil do Carballiño.

Control da Garda Civil de Tráfico | Fonte: GARDA CIVIL