Extinguen un incendio nun vehículo no polígono industrial de Boiro
O vehículo incendiado foi rápidamente controlado polos servizos de emerxencia sen danos ao condutor.
Por Europa Press / Redacción | Santiago de Compostela | 29/03/2025 | Actualizada ás 11:25
Os bombeiros do parque provincial de Boiro extinguiron este venres un incendio orixinado nun vehículo que se atopaba na beiravía xusta diante do parque de bombeiros, na Costa de Espiñeira, no polígono industrial do municipio coruñés de Boiro.
Tal e como informaron os servizos de emerxencias, o coche ardía pola zona do capó, pero o condutor xa se atopaba fóra do vehículo. Ademais dos efectivos de bombeiros, tamén acudiron ao momento axentes da Policía Local de Boiro e membros de Protección Civil.
RESCATE A TRES MENORES
Por outra banda, o Consorcio Provincial de Bombeiros informou de que os bombeiros do parque comarcal de Santa Comba participaron este venres no rescate de tres nenos nun edificio abandonado na localidade coruñesa de Negreira. En concreto, os menores non eran capaces de baixar do edificio, situado na Avenida de Santiago, e foron rescatados sen incidencias.
