Rescatado un home tras caer nunha lameira

Un home tivo que ser rescatado polos bombeiros tras caer nunha lameira na noite do martes no paseo marítimo de Viveiro.

Segundo informa o 112 Galicia, foi un particular quen, pasadas as 22.30 horas da noite, chamaba para alertar do ocorrido, tras o que se puxeron os feitos en coñecemento de Urxencias Sanitarias-061, os bombeiros, a Policía Nacional e a Policía Local de Viveiro. Os bombeiros conseguiron chegar ata a persoa e rescatala para que fose atendida polos profesionais sanitarios que se desprazaron ata o lugar.

Un home traballa cunha rede en Viveiro | Fonte: Carlos Castro - Europa Press - Arquivo