Ferido un condutor tras saírse da vía e envorcar na A-6 en Betanzos
O vehículo sufriu varias voltas de campá e os servizos de emerxencia apagaron un conato de incendio.
Por Europa Press / Redacción | Santiago de Compostela | 29/03/2025 | Actualizada ás 15:55
O condutor dun vehículo que se saíu da vía na autovía A-6, ao seu paso polo municipio coruñés de Betanzos, resultou ferido e tivo que ser trasladado polos servizos sanitarios. Segundo fontes do 112 Galicia consultadas por Europa Press, un particular deu aviso á central de emerxencias sobre as 09.40 horas deste sábado de que un vehículo sufrira unha saída de vía e dera algunha volta de campá no quilómetro 570 desta vía en dirección A Coruña.
Ao ter coñecemento dos feitos, os operadores mobilizaron ao Servizo de Urxencias Sanitarias de Galicia-061 e aos Bombeiros de Betanzos, que confirmaron que había un ferido, o único ocupante do turismo. Así mesmo, os servizos de emerxencias tiveron que actuar para apagar un conato de incendio no motor do vehículo accidentado e que foi extinguido sen que chegar a estenderse.
