“Subnormales”, “paletos”, “putos”, “fachas”, “narcos”... algúns dos insultos aos galegos tras o 25S
O resultado das eleccións galegas xerou unha avalancha de mensaxes nas redes sociais cheas de desprezo e insultos ao pobo galego e a Galicia. GC recolleu unha escolma destes chíos publicados dende toda España.
Por Galicia Confidencial | Santiago de Compostela | 27/09/2016 | Actualizada ás 13:55
Carraxe, odio, desprezo... Centos de chíos véñense publicando en Twitter, dende todos os recunchos de España, contra o pobo galego, tras a vitoria de Alberto Núñez Feijóo nas eleccións do pasado domingo. Os tópicos sobre galegos que tan asimilados están no resto do Estado, acompañados de insultos moi duros dirixidos a toda Galicia, non son algo anecdótico nestes días.
"Subnormales", "putos", "paletos", "aldeanos", "borregos", "analfabetos", "ignorantes", "fachas", "fascistas", "gilipollas", "narcotraficantes", "asco", "vacas", "vagos", "corruptos"... son só algunhas das palabras que veñen usando fanáticos en Twitter dende o pasado domingo para cualificar a todo o pobo galego. Mesmo hai quen considera que ofende pedindo que Galicia sexa separada de España.
Velaquí unha escolma cos chíos que pretenden ofender aos galegos, publicados dende outras partes do Estado e ordenados cronoloxicamente, do máis novo ao máis antigo (podes ver todos os chíos facendo scroll cara abaixo sobre o contido).
