Os petróglifos de Tourón reúnen “a maior concentración” de escenas de caza de cervos de Galicia

Os petróglifos de Tourón, en Ponte Caldelas (Pontevedra), reúnen "a maior concentración" de escenas de caza de cervos de toda Galicia. Estes tesouros arqueolóxicos fixeron gozar a unha vintena de veciños que participaron nunha visita guiada.

En concreto, esta actividade estivo organizada polo Concello e impartida polo experto Xosé Lois Vilar Pedreira, director da Asociación de Defensa Ambiental SOS á Serra da Groba, tal e como explicou o propio Consistorio.

Vilar Pedreira aseverou que Tourón é o lugar de Galicia onde "se concentran máis escenas de caza de cervos, o animal totémico do mundo ancestral dos petróglifos", así como algunhas das representacións "máis sobresalientes", tanto polo seu tamaño como pola súa combinación de elementos.

Así mesmo, acolle tamén algunhas das pedras máis notorias polas súas figuras xeométricas e espirais.