Que fan miles de peixes mortos no fondo mariño de Vigo?

Milleiros de peixes mortos na contorna de Toralla, no fondo da ría de Vigo. Esa é a denuncia feita feita polo mergullador Manuel E.Garci que subiu ao seu muro de Facebook un vídeo que realizou no fondo mariño deste lugar no cal poden verse miles de peixes mortos.

“Estamos seguros de que a súa morte non foi por motivos naturais”, indica no vídeo, aínda que non adianta cal podería ser a causa da mesma.

Entre outros motivos, persoas que comentan as imaxes, segundo recolle a web colaboradora Vigoalminuto, indican que os miles de peixes mortos poderían ser devoltos ao mar por algún pescador que non os levou a porto debido ao seu escaso valor comercial.