Candidato de CxG critica a convocatoria do referendo catalán
Miguel Barros, dirixente de CxG en Vigo, di que é un “deber democrático” apoiar ao Goberno español ante o desafío independentista.
Por Galicia Confidencial | Vigo | 26/09/2017 | Actualizada ás 11:45
“As acusacións de indolencia política e falta de diálogo son eufemismos para non recoñecer que os independentistas non aceptan outro diálogo que non sexa a separación do estado”. Deste xeito comeza o candidato de CxG á alcaldía de Vigo nas pasadas eleccións locais e ex histórico dirixente socialista vigués, Miguel Barros, un artigo publicado no GC Aberto, a sección que este medio abre para a participación de cidadáns e colectivos.
Barros destaca que “o dereito de secesión non está contemplado na Constitución” e destaca que “non semella actitude responsable atribuír ao goberno a responsabilidade da situación en Cataluña, cando as forzas políticas catalanistas promoven a secesión do territorio e loitan pola instalación de facto dun novo Estado”. Le todo o artigo.
