Detido un fillo de Oubiña nunha operación contra a fraude fiscal

Axentes da Policía Nacional detiveron na provincia de Pontevedra a Jonathan Oubiña, un dos fillos de Laureano Oubiña, no marco dunha operación contra a fraude fiscal, branqueo e pertenza a organización criminal. Así o confirmaron  fontes da operación, desenvolvida en colaboración entre a Udyco e Vixilancia Aduaneira. Dentro da mesma, detívose tamén na provincia de Alacante a 14 persoas polos mesmos delitos.

A operación atópase baixo segredo de sumario por orde dun xulgado de Elxe xa que "permanece aberta" e "estase desenvolvendo", con rexistros pendentes de practicar fóra de España. Os detidos son 13 persoas de nacionalidade española e unha máis de procedencia hondureña, ademais do fillo de Oubiña.

Fontes próximas a investigación confirmaron que se trata dun operativo contra a fraude do IVE na importación de vehículos procedentes de Alemaña.