Investigación penal polas verteduras ao río Támega por se teñen relación coas obras do AVE

O Xulgado de 1º Instancia e Instrución número 2º de Verín abriu dilixencias para investigar pola vía penal a contaminación no río Támega e se ten relación coas obras do AVE, logo da  denuncia interposta pola CIG polas "continuas" verteduras. Así, o xulgado investigará un presunto delito contra os recursos naturais e o medio ambiente, para coñecer os detalles como a natureza, as circunstancias dos feitos e as persoas que interviñeron niso, porque ao non coñecerse a súa orixe.

Deste xeito, o xulgado verinés solicitará información e unificará dita investigación no propio xulgado. Para iso, solicitáronse os expedientes abertos pola Confederación Hidrográfico do Douro polas verteduras contaminantes no río Támega polas obras do AVE nos anos 2016, 2017 e 2018.

Ademais, pediron ao Seprona que remita a copia dos atestados instruídos polas devanditas verteduras debido ás obras do AVE neste tres últimos anos, e tamén a Adif que envíe ao xulgado a listaxe das empresas adxudicatarias desas mesmas obras que se desenvolven nos tramos do Concello de Laza. Á súa vez, solicitaron á Fiscalía Provincial de Ourense as denuncias que se formularon e as instrucións realizadas por estes mesmas verteduras no últimos tres anos.