Os investigadores do caso de Sonia Iglesias inspeccionaron tamén unha tumba

O delegado do Goberno en Galicia, Javier Losada, explicou que as investigadores --Unidades Especiais de Subsolo e Protección Ambiental da Policía Nacional, desprazados desde Madrid-- que buscan novas pistas sobre a desaparición de Sonia Iglesias rastrexaron unha tumba, ademais de dous pozos. Losada preferiu non precisar a localización e apelou a "respectar as investigacións para non dar pistas" nin "alertar".

En declaracións aos medios, nunha visita ao centro penal de A Lama, defendeu o labor da Policía Nacional, que sempre tenta "chegar ao final e esclarecer" todos os casos de desaparecidos e o resto de delitos.

"Fixeron pescudas en dous pozos e un enterramento, tentando buscar datos que permitan esclarecer esta traxedia ante a que levamos bastantes anos detrás cun resultado negativo até agora", detallou, sen precisar o lugar das pescudas.

"Hai que respectar as investigacións para non dar pistas. O importante é seguir investigando e non alertar. Cando levamos tantos anos detrás dunha solución, cremos que hai que traballar en silencio", apelou, para concluír cunha reivindicación do traballo policial.