Denuncian complicidade das administracións para un “lavado de cara” do 'lobby' mineiro

A rede ContraMinacción criticou duramente ás administracións por tentar facer un “lavado de cara” do lobbie Mineiro que se reunirá no V Congreso Nacional de Áridos en Santiago, nun encontro organizado por FdA e Arigal.

Neste evento, o Director xeral de Enerxía e Minas da Xunta de Galicia, Ángel Bernardo Tahoces, actúa como Vicepresidente do Comité organizador e comparte organización con Julio César Valle Feijóo, asesor de Mineira de Corcoesto,  Edgewater, e da FdA (Federación española de áridos), organizadora do Congreso.  Nun comunicado ContraMinacción lembra que Valle Feijóo está vencellado aos “dólares en una maleta Samsonite” e as “supostas mordidas” de altos cargos da Xunta no caso do fallido proxecto mineiro de Corcoesto. 

Destacan, ademais, que tamén foi asesor da Cámara oficial mineira de Galicia ao mesmo tempo que a súa empresa litixiaba coa Xunta no caso Corcoesto. No evento tamén participa a empresa Erimsa, que recentemente anunciou un ERE na empresa de extracción de Frades, “co que supostamente chantaxeaba á Xunta para obter máis dereitos mineiros”. 

“Erimsa presume de Sala propia co seu nome dentro do Congreso, e incluso recibirá dous premios nas categorías de ‘boas prácticas medioambientais’ e ‘seguridade e saúde’, que supostamente outorga un xurado independente”, sinala a entidade no comunicado. Fai uns días, a Plataforma veciñal de Mesía facíase eco do “moito dano medioambiental na zona de Mesía, como o cambio de augas subterráneos, o famoso enterramento das vacas “locas” en canteiras escavadas a varios metros de fondura ou deixar balsas abertas de varios millóns de litros de auga ao aire aberto.

No Congreso tamén participa Votorantim Ciment, cuxa filial Cementos Cosmos que explota o xacemento do Iribio, en Triacastela mantén numerosas batallas xudiciais coa veciñanza; e cehgou mesmo a demandar ao representante da Asociación cultural O Iribio.

“Comprometidos coa sociedade”. Ese é o lema deste congreso que comezou este mércores e ao que están convidados o presidente da Xunta, o presidente da Deputación da Coruña, o alcalde de Santiago, cargos do Adif e mesmo integrantes da organización ambiental Seo Bird Life. “E todo para facerlle  un lavado de cara sen precedentes ao sector mineiro”, denuncian. 

SITUACIÓN ACTUAL

Tal e como recolle o Catálogo dás Paisaxes de Galicia existen unhas 66 explotacións mineiras, canteiras e localizacións de extracción de áridos ou terra, e citan concretamente, «pola súa extensión e a calidade paisaxística dá contorna» as canteiras de O Courel e Casaio, así como as de Porriño e Salceda de Caselas.

Son o que se coñecen no catálogo como ámbitos de especial atención paisaxística, unha figura que identifica «zonas nas que se produciron alteracións ou impactos en relación á paisaxe, é dicir, nas que diversas actuacións xeraron transformacións que deterioraron ou carácter ou a calidade dá paisaxe» e que necesitan de «especiais medidas de intervención e protección». 

En Galicia destacan os problemas da Mina de Serrabal de Vedra, explotada por Ramsa e vencellada a Ferroglobe e a Villar Mir, a canteira abandonada do Monte Neme, os desastres ambientais das minas de San Fins en Lousame ou de Touro. “Galicia destaca en liñas xerais, pola ausencia de restauración das canteiras e a irresponsabilidade empresarial e política no tocante ao cumprimento da normativa en materia de restauración dos espazos degradados”, conclúen desde ContraMinacción.

CONGRESO

O Congreso reunirá a máis de 700 persoas, entre empresarios e técnicos desta industria, así como responsables das administracións competentes en Minas, Medio Ambiente e Infraestruturas, do mundo académico e de institucións de ámbito nacional e internacional.

Neste sentido, como no catro congresos anteriores, está prevista a participación de representantes empresariais duns 20 países, polo que a organización estima que esta edición "terá unha importante repercusión internacional". O evento conta coa colaboración de varias entidades, e está organizado pola FDA, que representa os intereses das empresas produtoras de áridos de España, tanto no ámbito nacional, como no internacional e da que ARIGAL, ANEFA, o Gremi d'Àrids de Catalunya e ARIVAL son membros.

 

Tamén participarán as empresas JCB, Anefa, FdA, Produtiva, Cribansa, EPC Groupe, Hitachi (HJM), Reforestaciones y Viveros, AMP, Weir, SSAB (Hardox), Metso, Emsa, Filtros Cartés, Nuba, Smartcrush, Mobydick, Kauman, Hidromek, Solintal, Sandvik, Arigal, Miningland, Maxam, Biurrarena, Sinderya, BYG, Arco Electrónica, Talleres Losan, Aceros y Suministros, CMS Cepcor, Peris Seguros, I.C. Iberconveyor, Ascendum, Epiroc, Triman, Áridos y Materiales, Canteras y Explotaciones, Cemento y Hormigón, Instituto Nacional de Silicosis, Interempresas- Ingeopres, Rocas y Minerales, Tesab, Capotex, S.L. e Anzeve.

 

PINTADAS CONTRA A MINA DE TOURO

Por outra banda, a plataforma Mina Touro- O Pino Non desvinculouse este mércores das pintadas contrarias a este proxecto. “A plataforma veciñal desmárcase totalmente destes feitos e rexéitaos radicalmente como forma de defender o non á mina”, apunta nun comunicado.

A parroquia de Loxo, en Touro, amenceu este mércores con diversas pintadas contra a mina, tanto en mobiliario público como en inmobles de titularidade privada. “Actos como o desta noite non representan o noso xeito de defendernos dun proxecto devastador para as nosas vidas e o noso entorno”, indica a entidade que aclara que, desde o inicio das protestas, o seu obxectivo foi sempre evitar que a Xunta de Galicia aprobe “un proxecto mineiro destrutivo”, pero evitando fomentar a división ou o ataque os empregados.