Destinan 240.000 euros para impulsar a preproducción de 14 proxectos audiovisuais
As axudas serán concedidas pola Consellería de Cultura e Turismo, a través da Axencia Galega de Industrias Cultura (Agadic).
Por Europa Press / Redacción | SANTIAGO DE COMPOSTELA | 05/11/2018 | Actualizada ás 19:58
En concreto, o departamento que dirixe Román Rodríguez apoia os traballos previos para a rodaxe de cinco novas longametraxes de ficción, catro series e miniseries televisivas, catro documentais e unha película de animación, todas elas promovidas por produtoras galegas.
Os títulos e as empresas beneficiarias este ano son 'A leituga', de Frida Films; 'Corpo aberto', de Ollo Vivo; 'Ariel, de Filmika Galaika; 'Retaliación', de CTV; 'APPS', de Pulsa Control Z; 'Ouro negro', de Agallas Films; 'Einstein-Rosen', de Vaca Films; 'A fábrica', de Ficción Producións; e 'Aura 1964', de Vía Láctea Filmes na modalidade de proxectos de ficción cinematográficos e televisivos.
Na categoría de proxectos de animación, recibirá axuda 'Nautilus', de Ficción Producións. E, por último, na modalidade para documentais obtiveron subvención 'Os días calados do señor Steven', de Matriuska Producións; 'Montaña ou monte', de Zeitum Fims; 'Gnädinger', de Vizuals Lad; así como 'A Virxe Roxa', de Recrea Films.
A Xunta destacou que estas axudas incrementaron un 20% o seu orzamento respecto ao ano anterior, mantendo así a súa tendencia ascendente no últimos cinco anos. O obxectivo é acompañar economicamente ás produtoras na preproducción dos citados títulos, cos que nun futuro poderán optar a outras axudas.
