Por E.P. | SANTIAGO DE COMPOSTELA | 26/01/2019 | Actualizada ás 16:44
O PSdeG iniciou este sábado a campaña '#10yearschallengedeGalicia', na que pretende mostrar o "fracaso das políticas de Feijóo", pondo de relevo que a comunidade perdeu máis de 60.000 habitantes en dez anos.
"Utilizando datos oficiais de emprego, demografía ou investimentos nos distintos sectores e materiais, os socialistas galegos porán de manifesto as carencias de xestión que padece a comunidade", explicou o PSdeG nun comunicado.
A campaña, que se prolongará ata o 1 de marzo, iniciouse este sábado coa comparación dos últimos datos publicados polo Instituto Nacional de Estadística (INE) que reflicten a caída de poboación en Galicia.
Así, os socialistas fan referencia a que o 1 de xullo de 2018 Galicia contaba con 2.699.299 persoas, por baixo dos 2,7 millóns "por primeira vez en décadas", fronte aos 2.759.988 da mesma data de 2008.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.