Os Resentidos actuarán na Cidade da Cultura de Santiago para celebrar o Día da Música
A cita será o 21 de xuño e a entrada será libre e gratuíta.
Por Europa Press / Redacción | SANTIAGO DE COMPOSTELA | 25/05/2019 | Actualizada ás 19:37
A Cidade da Cultura de Galicia de Santiago celebrará o Día Internacional da Música o 21 de xuño cun concerto da mítica banda galega Os Resentidos, nunha actuación con entrada libre e gratuíta.
A banda subirase ao escenario ás nove da noite, capitaneada polo seu histórico líder, Antón Reixa, coas súas letras radicais e comprometidas e a fusión de rock, funk depresivo e pop que os levaron a ser un dos grupos máis celebres da 'movida viguesa' da década dos 80.
'Somos 29 na casa e estamos todos non paro' ou 'Economía sumerxida' forman parte da listaxe de temas imprescindibles da formación que en 1986 situou 'Fai un sol de carallo' como un auténtico hit en España, cando poucos grupos cantaban en galego.
